BizNetwork 

танилууддаа түгээх
“НЭЭЛТТЭЙ ХААЛГА”-ны өдөрлөг зохион байгууллаа PDF Хэвлэх И-мэйл
Бичсэн Administrator   
2016 оны 5-р сарын 27, Баасан гариг, 15:52

Булган аймаг дахь сум дундын Эрүүгийн хэргийн анхан шатны шүүхээс шүүх байгуулагдсаны 80 жилийг ойг угтаж Аймгийн Засаг даргын тамгын газраас МУ-ын Ерөнхийлөгчийн 2007 оны 97 дугаар зарлиг, Засгийн газрын 190 дүгээр тогтоол, тэдгээрт нийцүүлэн гаргасан журмын дагуу  2016 оны 05 дугаар сарын 26-ны өдөр “Хүлээж суухгүй хүрч үйлчилье” уриан дор “НЭЭЛТТЭЙ ХААЛГА”-ны өдөрлөг  зохион байгууллаа. Уг арга хэмжээнд шүүхийн хамт олон иргэдэд байгууллагынхаа үйл ажиллагааг танилцуулж, шүүхийн тухай багц хуулийг сурталчилж, гарын авлагыг тарааж иргэдийн сонирхсон асуултанд хариулт өгч ажиллаа.

 
Шүүхийн ерөнхий зөвлөлийн даргаар Н.Лүндэндоржийг улируулан томилов PDF Хэвлэх И-мэйл
Бичсэн Administrator   
2016 оны 5-р сарын 26, Пүрэв гариг, 08:32

Монгол Улсын Ерөнхийлөгчийн 2016 оны 05 дугаар сарын 25-ны өдрийн 61 тоот зарлигаар Шүүхийн ерөнхий зөвлөлийн даргаар философийн ухааны доктор, хууль зүйн шинжлэх ухааны доктор, профессор Нанзаддоржийн Лүндэндоржийг улируулан томиллоо.

Шүүхийн ерөнхий зөвлөлийн хуралдаанаар гишүүдийн 100 хувийн саналаар Шүүхийн ерөнхий зөвлөлийн даргаар Н.Лүндэндоржийг сонгон томилуулахаар Монгол Улсын Ерөнхийлөгчид өнөөдөр өргөн мэдүүлснийг ийнхүү ёсчиллоо.

Хэвлэл мэдээлэл, олон нийттэй харилцах хэлтэс

Сүүлд шинэчлэгдсэн: 2016 оны 5-р сарын 26, Пүрэв гариг, 08:36
 
Шүүхийн ерөнхий зөвлөл анхны хуралдаанаа хийв PDF Хэвлэх И-мэйл
Бичсэн Administrator   
2016 оны 5-р сарын 25, Лхагва гариг, 14:47
Өнөөдөр Монгол Улсын Ерөнхийлөгчийн зарлигаар томилогдсон Шүүхийн ерөнхий зөвлөлийн шинэ бүрэлдэхүүн анхны хуралдаанаа хийж, гурван асуудал хэлэлцэн шийдвэрлэв.
Шүүхийн ерөнхий зөвлөлийн даргыг томилуулах тухай саналыг Монгол Улсын Ерөнхийлөгчид өргөн мэдүүлэх, Шүүгч, Ерөнхий шүүгчийн бүрэн эрхийг түдгэлзүүлэх тухай саналыг Монгол Улсын Ерөнхийлөгчид өргөн мэдүүлэх, Шүүхийн мэргэшлийн хорооны гишүүнээс чөлөөлөх тухай асуудлуудыг тус тус хэлэлцэн шийдвэрлэсний дотор Шүүхийн ерөнхий зөвлөлийн даргаар философийн ухааны доктор, хууль зүйн шинжлэх ухааны доктор, профессор Нанзаддоржийн Лүндэндоржийг гишүүдийн 100 хувийн саналаар томилуулахаар Монгол Улсын Ерөнхийлөгчид өргөн мэдүүлэхээр тогтлоо.
Сүүлд шинэчлэгдсэн: 2016 оны 5-р сарын 25, Лхагва гариг, 15:15
 
Монгол Улсын Ерөнхийлөгч Шүүхийн ерөнхий зөвлөлийн гишүүдийг батламжиллаа PDF Хэвлэх И-мэйл
Бичсэн Administrator   
2016 оны 5-р сарын 25, Лхагва гариг, 15:13

Өнөөдөр Монгол Улсын Ерөнхийлөгч Ц.Элбэгдорж Шүүхийн ерөнхий зөвлөлийн гишүүнээр сонгогдсон Нанзаддоржийн Лүндэндорж, Дашзэвэгийн Эрдэнэчулуун, Оросоогийн Зандраа, Пүрэвсүрэнгийн Батсайхан нарыг хүлээн авч, үнэмлэх гардууллаа.

Энэ нь Монгол Улсын Үндсэн хуулинд заагдсан, анх удаа бие даан байгуулагдсан Шүүхийн ерөнхий зөвлөлийн 2 дахь бүрэн эрхийн бүрэлдэхүүн юм.

Шүүхийн ерөнхий зөвлөлийн гишүүдийн сонгон шалгаруулалт 2016 оны 5 дугаар сарын 13-ны өдөр явагдаж, хуульд зааснаар анхан шатны Шүүгчдийн зөвлөгөөний 81.17 хувийн саналаар хууль зүйн шинжлэх ухааны доктор, профессор Н.Лүндэндорж, давж заалдах шатны Шүүгчдийн зөвлөгөөний 99 хувийн саналаар Д.Эрдэнэчулуун нар тус тус улиран сонгогдсон бол Улсын дээд шүүхээс О.Зандраа, Хууль зүйн яамнаас П.Батсайхан нар төлөөлөл болон сонгогдлоо.
Сүүлд шинэчлэгдсэн: 2016 оны 5-р сарын 25, Лхагва гариг, 15:16
 
2016. 05. 16-ны өдрөөс 2016. 05. 20-ны өдрүүдэд хийсэн шүүх хуралдааны тойм PDF Хэвлэх И-мэйл
Бичсэн Administrator   
2016 оны 5-р сарын 23, Даваа гариг, 15:45

Иргэний шүүх хуралдаан зарласнаас

 

1. Х.Бат-Эрдэний нэхэмжлэлтэй, ажиллаж байсан байдлаа тогтоолгох тухай иргэний хэргийн шүүх хуралдаанаар нэхэмжлэгчийн нэхэмжлэлийн шаардлагыг хангаж,
Сүүлд шинэчлэгдсэн: 2016 оны 5-р сарын 25, Лхагва гариг, 09:53
 
Уулзалт-ярилцлагыг зохион байгууллаа. PDF Хэвлэх И-мэйл
Бичсэн Administrator   
2016 оны 5-р сарын 20, Баасан гариг, 18:01

Булган аймаг дахь Сум дундын Иргэний хэргийн анхан шатны шүүхийн 2016 оны ажлын төлөвлөгөөнд тусгагдсаны дагуу 2016 оны 05 дугаар сарын 20-ны өдөр Булган аймгийн Шүүхийн шинжилгээний алба, Шүүхийн шийдвэр гүйцэтгэх алба зэрэг байгууллагуудтай хамтран  “Хамтын үйл ажиллагааг өргөжүүлэх, харилцан санал солилцох, хамтарч ажиллахад тулгарч буй бэрхшээл, хүндрэлтэй асуудлын гарц шийдлийг хамтдаа тодорхойлох” зорилгоор уулзалт-ярилцлагa зохион байгууллаа.

Сүүлд шинэчлэгдсэн: 2016 оны 5-р сарын 23, Даваа гариг, 14:31
 
ХӨДӨӨ ОРОН НУТАГТ ҮЗҮҮЛЭХ ШҮҮХ ХУРАЛДААН ХИЙЛЭЭ PDF Хэвлэх И-мэйл
Бичсэн Administrator   
2016 оны 5-р сарын 18, Лхагва гариг, 16:50
Булган аймаг дахь сум дундын Эрүүгийн хэргийн анхан шатны шүүхээс шүүх байгуулагдсаны 80 жилийг ойг угтаж шүүхийн үйл ажиллагааг орон нутгийн иргэдэд сурталчилах, шүүн таслах ажиллагааны үр нөлөөг дээшлүүлэх зорилгоор ерөнхий шүүгч С.Цэрэндулам, шүүгч С.Цэрэнханд, Ж.Дэлгэрмөрөн, зохион  байгуулалт хариуцсан  мэргэжилтэн А.Дөлгөөн, шүүгчийн туслах М.Оюунчимэг, нарийн бичгийн дарга Э.Цэнгүүн, жолооч С.Болд нар 2016 оны 05 дугаар сарын 14-ний өдрөөс 05 дугаар сарын 16-ны  өдрүүдэд  Булган аймгийн Хишиг-Өндөр сумын “Соёлын төвд” нээлттэй хаалганы өдөрлөгийг хийж ажилтан, алба хаагч, иргэдэд  эрүүгийн хэргийн анхан шатны шүүх болон тус шүүхийн тамгын газрын бүтэц, зохион байгуулалт, шүүхийн шинэтгэлийн 10 үр дүн, гэрч хохирогчийг хамгаалах тухай хууль, иргэдийн төлөөлөгчийн эрх зүйн байдлын тухай хуулиудаар тус тус сургалт зохион байгууллаа.

Сүүлд шинэчлэгдсэн: 2016 оны 5-р сарын 19, Пүрэв гариг, 11:20
 
<< Эхлэх < Өмнөх 1 2 3 4 5 6 7 8 9 10 Дараахи > Төгсгөл >>

Хуудас 70-с 1
BizNetwork 

танилууддаа түгээх